భారత డ్రైవింగ్ లైసెన్స్ తో ఈ దేశాలలో కూడా డ్రైవింగ్ చెయ్యచ్చు

ప్రపంచంలో ఒక్కో దేశంలో ఒక విధమైన నియమ నిభందనలు ఉంటాయి . మన దేశంలో వాహనం నడిపే ప్రతి ఒక్కరి వద్ద భారత రవాణా శాఖ వారు జారీ చేసే డ్రైవింగ్ లైసెన్స్‌ను కలిగి ఉండాలి. ఇండియా జారీ చేసే లైసెన్సుతో కేవలం భారత్‌లోనే కాక ఇంకా కొన్ని దేశాలలో కుడా హాయిగా డ్రైవింగ్ చెయ్యవచ్చు . భారత ప్రభుత్వం జారి చేసే డ్రైవింగ్ లైసన్స్‌తో ప్రపంచ వ్యాప్తంగా మొత్తం 14 దేశాలలో డ్రైవింగ్ చేయడానికి అనుమతులు ఉన్నాయి. ఇండియన్ డ్రైవింగ్ లైసెన్స్‌తో డ్రైవింగ్ చేయడానికి అనుమతి ఉన్న 14 దేశాల ఏంటో ఇప్పుడు చూద్దాం.

1. ఫిన్‌లాండ్:

యూరప్ దేశాలలో ఒకటైన ఫిన్‌లాండ్‌లో భారత ప్రభుత్వం జారీ చేసిన డ్రైవింగ్‌ లైసెన్స్‌ ద్వారా అక్కడ ఎటువంట ఇబ్బంది లేకుండా డ్రైవింగ్ చేయవచ్చు.

2. నార్వే:

ప్రపంచంలోనే అత్యంత అందమైన దేశం నార్వే.నార్వే యూరప్‌ ఖండం లోనే ముఖ్య పర్యాటక దేశంగా ఉంది. ఇందులో మన ఇండియన్ డ్రైవింగ్ లైసెన్స్‌తో వాహనాలను నడపవచ్చు.

3. స్పెయిన్:

యూరప్‌ ఖండంలోనే ఉన్న మరొక దేశం స్పెయిన్. స్పెయిన్ దేశం కు ప్రపంచ వ్యాప్తం గా ఒక మంచి గుర్తింపు ఉంది . స్పెయిన్ లో భారత దేశం జారి చేసే డ్రైవింగ్ లైసెన్స్ తో వాహనాలను డ్రైవ్ చేయవచ్చు. స్పెయిన్ లో ఉన్న బార్సిలోనా మరియు మాడ్రిడ్ నగరాలు ప్రపంచ వ్యాప్తంగా గుర్తింపు పొందాయి.

4. కెనడా:

అమెరికా ఉన్న అతి విశాలమైన దేశంగా కెనడా పేరొందింది .కెనడా లోని రవాణా శాఖ వారి రూల్స్ , భారత రవాణా శాఖ వారి రూల్స్ రెండు దాదాపు ఒకేలా ఉంటాయి . ప్రపంచంలో అతి పెద్ద జలపాతం నయగారా జలపాతం కెనడాలోనే ఉంది.

5.ఇటలీ:

ప్రపంచ వ్యాప్తంగా ప్రసిద్ది చెందిన ఇటలీ దేశంలో కుడా మన లైసెన్స్ తో ఎటువంటి అడ్డు లేకుండా డ్రైవింగ్ చెయ్యవచ్చు .

6.మారిషస్:

మడగాస్కర్ దేశానికి తూర్పున ఉన్న రెండు అందమైన ద్వీపాలు ఉన్నాయి వాటినే మారిషస్ అంటారు. పర్యాటకులకు ఈ దేశం ప్రత్యేకం . ఏడాది పొడవునా ఈ దేశంలో మీరు మన ఇండియన్ డ్రైవింగ్ లైసెన్స్‌తో డ్రైవింగ్ చేయవచ్చు.

7. దక్షిణాఫ్రికా:

డ్రైవింగ్ లైసెన్స్ భారత ప్రాంతీయ భాషలో కాకుండా ఇంగ్లీష్ లో ఉన్నట్లయితే ఎటువంటి అడ్డు లేకుండా సౌత్ ఆఫ్రికాలో వాహనాలను నడపవచ్చు.

8. న్యూజిలాండ్:

అడ్వెంచర్లు చెయ్యాలనుకునే వారికి ప్రత్యేకమైన దేశం న్యూజిలాండ్ . మీ లైసెన్స్‌‌లో మీరు ఏయే వాహనాలను నడపవచ్చు అని స్థానికి రవాణా కార్యాలయాధికారులు పొందుపరిచిన వివరాల ప్రకారం ఆయా వాహనాలను మాత్రమే ఇక్కడ నడపాల్సి ఉంటుంది.

9. స్విట్జర్లాండ్:

అందమైన ప్రదేశాలు మరియు కంటికి ఇంపుగా ఉండే ప్రకృతి రమణీయ ప్రదేశాలకు నిలయం స్విట్జర్లాండ్. ఇందులో భారత ప్రభుత్వం జారీ చేసిన డ్రైవింగ్ లైసెన్స్‌లకు అనుమతి కలదు.

10. ఆస్ట్రేలియా:

దేశీయంగా ప్రభుత్వం జారీ చేసిన అంతర్జాతీయ డ్రైవింగ్ పర్మిట్ ఉన్నచో, మీరు ఆస్ట్రేలియాలో డ్రైవ్ చేయవచ్చు. అయితే గుర్తుపెట్టుకోండి జారీ చేసిన లైసెన్స్ ఆంగ్లంలో ఉండాలి.

11. ఫ్రాన్స్ :

ఫ్రాన్స్ దేశ వ్యాప్తంగా ఇండియన్ డ్రైవింగ్ లైసెన్స్‌తో చక్కర్లు కొట్టవచ్చు. కాని మీ లైసెన్స్ ఇంగ్లీషు నుండి ఫ్రాన్స్‌ భాషలోకి మార్పిడి చేయించుకోవాలి.

12. అమెరికా (యుఎస్‌ఎ):

భారత ప్రభుత్వం జారీ చేసిన డ్రైవింగ్ లైసెన్స్‌తో ఏడాది పాటు ఎటువంటి నిబంధనలు లేకుండా డ్రైవ్ చేయవచ్చు. అయితే దీనితో పాటు ఇంటర్నేషనల్ డ్రైవింగ్ పర్మిట్ వారి ప్రాంతీయ భాషలో తప్పకుండా ఉండాలి.

13.ఇంగ్లాండ్ :

ఇంగ్లాండ్ మరియు యునైటెడ్ కింగ్‌డమ్‌లో భాగంగా ఉన్న దేశాలలో మన భారత ప్రభుత్వం జారీ చేసిన లైసెన్స్‌తో ఏడాది పాటు ఎటువంటి అనుమతులు లేకుండా డ్రైవింగ్ చేయవచ్చు.

14. జర్మనీ :

ఎక్కువ మంది ఇండియా నుండి జర్మనీకి పయనమవుతుంటారు అలాంటి వారి వద్ద భారతీయ డ్రైవింగ్ లైసెన్స్ ఉంటే జర్మనీలో ఆరు నెలల పాటు డ్రైవింగ్ చేయవచ్చు. మీ లైసెన్స్ ప్రాంతీయ భాషలో ఉంటే దానిని ఆంగ్లంలోకి మార్పిడి చేయించుకోవాలి.