దేశీయ మొబైల్ కంపెనీ మైక్రోమ్యాక్స్‌ ఒక సరికొత్త ఆఫర్ తో పాటు ఒక కొత్త స్మార్ట్ ఫోన్ ను విడుదల చేసింది. మైక్రోమ్యాక్స్‌ కాన్వాస్‌ 2(2017) పేరిట ఒక కొత్త స్మార్ట్‌ఫోన్‌ బుధవారం మార్కెట్లోకి విడుదల చేసింది . భారత్ లో ఇంటర్నెట్ వాడకం రోజు రోజుకు పెరుగుతున్న నేపథ్యంలో తమ ఫోన్ కొంటే ఒక సంవత్సరం పాటు ఉచితంగా ఎయిర్‌టెల్‌ ఇంటర్నెట్ అందిస్తామంటూ మైక్రోమ్యాక్స్‌ ప్రకటిం చడంతో స్మార్ట్‌ఫోన్‌ అభిమానులంతా ఈ ఫోన్ ఎప్పుడెప్పుడు మార్కెట్లోకి వస్తుందా అని ఆసక్తి కనబరిచారు. అద్భుతమైన ఆఫర్లతో లాంచ్‌ అయిన ఈ స్మార్ట్‌ఫోన్‌ అమ్మకాలకు సిద్ధమైంది. భారత్‌లోని అన్ని రిటైల్‌ అవుట్‌లెట్లలో ఈ ఫోన్ విక్రయించనున్నట్టు మైక్రోమ్యాక్స్‌ చెబుతోంది. ఉచిత ఇంటర్నెట్‌తో పాటు ఎయిర్‌టెల్‌ నుంచి ఎయిర్‌టెల్‌కు ఏడాది పాటు అన్‌ లిమిటెడ్‌ కాల్స్‌ను కూడా ఫ్రీ అందించనున్నట్టు మైక్రోమ్యాక్స్‌ సంస్థ ప్రకటించింది. ఎయిర్‌టెల్‌ 4జీ సిమ్‌ కార్డు ప్రీలోడెడ్‌తో ఇది మార్కెట్లోకి వస్తోంది. ఈ ఫోన్ ధర 11,999 రూపాయలు. ఈ ధరలో కార్నింగ్‌ గొర్రిల్లా గ్లాస్‌ 5ను ఆఫర్ చేయడం ఈ ఫోన్ కు ప్రత్యేక ఆకర్షణ. ఏడాదిలో స్క్రీన్‌ రీప్లేస్‌మెంట్‌ను కూడా మైక్రోమ్యాక్స్‌ ఆఫర్ చేస్తుండడం మరో విశేషం. ఇక ఈ స్మార్ట్ ఫోన్ ఫీచర్ల విషయానికి వస్తే కాన్వాస్‌ 2 స్మార్ట్‌ఫోన్‌ ఆండ్రాయిడ్‌ 7.0 నోగట్‌తో రన్‌ అవుతుంది. 5 అంగుళాల డిస్‌ప్లే, 1.3 గిగాహెడ్జ్‌ క్వాడ్‌-కోర్‌ ప్రాసెసర్‌, 3జీబీ ర్యామ్‌, 13 ఎంపీ రియర్‌ కెమెరా, 5 ఎంపీ ఫ్రంట్‌ కెమెరా విత్‌ వైడ్‌ యాంగిల్‌ లెన్స్‌, ఆటో ఫోకస్‌, 16జీబీ ఇన్‌ బిల్ట్‌ స్టోరేజ్‌, 64జీబీ వరకు ఎక్స్‌ పాండబుల్‌ మెమరీ, 3050 ఎంఏహెచ్‌ బ్యాటరీ వంటి ఫీచర్లతో వినియోగదార్లను ఆకర్షిస్తోంది.
